cerpen - Durasit ban Mokarep - Hallo sahabat Breaking News, Pada Artikel yang anda baca kali ini dengan judul cerpen - Durasit ban Mokarep, kami telah mempersiapkan artikel ini dengan baik untuk anda baca dan ambil informasi didalamnya. mudah-mudahan isi postingan Artikel cepen, Artikel madura, yang kami tulis ini dapat anda pahami. baiklah, selamat membaca.

Judul : cerpen - Durasit ban Mokarep
link : cerpen - Durasit ban Mokarep

cerpen - Durasit ban Mokarep

Durasit ban Mokarep

Ajaz_elmazry*

La barempa are Durasit neng-neng kadhibi’en e dalem kamarra. Ta’ acaca’a ban rang-rang ngakan. Kaloar ghun mon mandiya ban abhajangnga. Ca-kancana bannya’ se ghetton , nyangka Durasit rea andi’ masala keng ta’ e kabala ka oreng laen. Mukarep kanca karetta ta’ manggha ngabasaghi Durasit sajan tamba are sajan ta’ karoan tengkana. Neng-neng tada’ oreng se tao ka maksotta. Ghun cengngeng lakona.

“Ba’na arapa, Sit”

“Enja’ engko’ ta’ arapa, Mo”. Pajawabbha ta’ mana

“Ba’na jha’ ampo ngalamon bit-abit, mon ca’na reng toa ampo e ka ghila. Mayu mon andi’ masala acareta, Sit. Sapa tao engko’ otaba ca-kanca se laen bisa abhanto” Mukarep abhantae pagghunmaksa.

Samarena la bak abit neng-neng. Tada’ soara se amonye. Durasit pas manjheng ngabas ka loar e ada’na kaca candila. “Engko’ saongghuna satea bhingong, Mo. Mekkere aba’ se la ta’ e karessa la omor tello lekor taon ghi’ ta’ andi’ tengka se karaddhu ka manossa lebbi-lebbi ka ghuste pangeran”.

Mukarep esep ngedingaghi terrosanna cacana Durasit.

“Ngabassaghi ca-kanca se saporodhan la bannya’ se ngabber man-daemman, Mo. Bada se la dhaddhi Tokang Tolessa Cerpen, Puisi, Novel, Artikel. Bada se daddhi jhareghanna dhaghang. Bada se ngesse’e acara le-ngalle tempat. Ban acem-acem ta-tengka se karaddhu. Mekkerre aba’ rea’ ghun alerset aleyer ngokor lorong ta’ nemmo tojjhuwan”

Mukarep noro’ manjheng sambi negghu’ bhauna Durasit.

“Pada mon enga’ jarea, Sit. Engko’ oreng se bhingong kea. Engko’ ban ba’na rea pada. Pada ghi’ nyare tojjhuwan odi’. Oreng-oreng se la e angghep bhajra bi’ engko’ ban ba’na rea ta’ olle ka iri ban ka bajhi’i, Sit. Namong ghun engko’ ban ba’na rea beremma se bisa’a ngala’ pangajharan dari tengka ghulina sabelluna”. Mukarep alerset ka pengghirra Durasit pada ngabas ka loar e ada’na kaca candila. “Sakabbhina oreng rea pagghun pada andi’ kalebbiyan ban kakorangan, Sit. Kapojhurna oreng pada tada’ se tao. Ban sabhaliggha, oreng palang pada ta’ kenneng pellang. Sakabbhina koasana pangeran”.

Angenna ta’ pate santa’. Un-daunan e loar ghun aghuli ne’-sakone’. Durasit aghusot matana se nyarembeng aeng.

“Enja’, area pola se e koca’ tolana aba’ se molae lamba’ jhat ta’ perna mabandar ajhar ban lako loppa ka pangeran, Mo”

“Ya, mon jarea jhat usa ker-pekker dhibi’, Sit. Keng mon ca’na ghuruna engko’ rea, oreng satea ghan enga’ bhai la asokkor, enga’ jha’ aba’ andi’ sala, enga’ jha’ aba’ bennya’ dhusa. Artena jharea ghi’ andi’ arebbhan ka angghuy dhaddhi oreng bhagus, polana satea rea bannya’ oreng se ta’ enga’ jha’ aba’na atengka se sala ban ngentengaghi ka-pangeran-an”. Oca’na Mukarep sambi ngala’ rokok e kapengnga.

Malem jarea jhat ghun kare ka duwa’en e roma kosanna, Durasit ban Mukarep. Ca-kancana se laen bannya’ se mole amargha la tada’ jham pangajharan e kampus, ta’ manglo la pada semester toa. Kalakoanna ghun kare skripsi.  Tape, tekka ghun kare settong, jarea se aghabay Durasit palengngen ta’ ke’ cetak. Panas cellep ta’ maso’ angen. Banni polana ta’ bisa se ngalakonanna, tape bannya’ tangghungan tengka ban odi’ se kodhu e jhalani bi’ oreng se la apangkat sarjana.

“Sit, ba’na perna eding careta settong dat-ngodadhan se perna penggha’ pangareppan amargha aromasa sakabbhina lakona ta’ ngaolle hasel?”. Mukarep ngajhak Durasit akandha.

“Enja’, Mo. Arapa Keng?” Durasit aoeng ta’ tao.

Mokarep nyolet rokokna pas nerrossaghi caretana “Lamba’ rea bada settong dat-ngodadhan se bhajheng palakona banebada ta’ bu-ambu, Sit. Anangeng lakona ta’ perna bada se ngasellaghi, ajhar adhaghang lako rogi, nyare lako ngangghuy ijaza-na ta’ perna e tarema ban terro dhaddhiya oreng se penter noles ta’ ghellem bisa. Settong bhakto dat-ngodadhan ghella’, mangkat ajhalan soko entarra ka Masjid e lao’na bengkona. Dapa’ ka Masjid mare abhajang ban maca Qur’an pas ado’a manglo ka pangeran, ‘dhu ghuste, ghi’ korang napa aba’ jha’ pon usaha mare, adu’a ta’ bu-ambu ma’ ghi’ ta’ perna ngaolle se e kakareppe bhadhan kaula’,” Mokarep ngala’ kopi pas e enom mangokabassa.

“terrosaghi, Mo” Durasit nyoro Mokarep

“tennang, enom kopina lu, Sit” Mokarep sambi maghi kopi se e baddhai bhutolla aqua se la mare e sekot enga’ cangker.

“Marena jarea, dat-ngodadhan ghelle’ toron dari Masjid, samarena masang sandalla pas sokona e kekke’ olar, dat-ngodadhan ghelle’ acerreng aserro sake’ sambih aghighir ka pangeran, ‘dhu, ghuste ma’ enga’ nika dhaddhi oreng bhaghus, molae samangken abdhina ambuwa ta’ ka Masjiddha pole ban ta’ alakoa bhaghus pole’. Mare dari jarea. Dat-ngodadhan ghelle’ e sambi ka dokter bi’ tatanggha Masjid. Samarena depa’ ka romana dokter pas e tambhai. Olle barampa jham. Dokter ghelle’ pas mator ka dat-ghodadhan e bannya’na oreng se nyapot. ‘Dha’ ka para taretan se bada e ka’dinto nyo’on sakse’e, are samangken kaula minta’a kacong se atambha ka kaula nika kaagghuy dhaddhi lakena ana’na kaula’. Sakabbhina oreng bhingong tamaso’ dat-ngodadhan ghelle’ polana dokter tada’ angen tada’ panas pas moro-moro alamar dat-ngodadhan ghelle’. ‘kaule pon kadung ajhanjhi, sapa oreng se atamba ka kaule are mangken, mon bini’ bhakal eangka’a dhaddhi ana’, mon lake’ bhakal e kamantoa. Amargha kaula pon tekka hajhat dhaddhi dokter. Baremma cong, ba’na sangghup?’. Dat-ngodadhan ghelle’ ta’ bisa mekker lanjhang langsung aongghu’ ngoca’ engghi.”

“mare la, Mo?” Durasit atanya

“Dante’ ghallu, ghi’ bada terrosanna”

“Samarena la akabin, ternyata ana’na dokter ghelle’se la dhaddhi binina, jarea lulusan loar negri se sateya la dhaddhi tokang ngesse’e acara e man-dimman, robana raddhin pas ghi’ andi’ lembaga khusus anaonge samacem oreng se lebur noles, maca, ban rang-ngarang. Akherra dat-ngodadhan ghelle’ se negghu’ lembagana ban saterrossa odi’ senneng”.

“Nyamanna mon enga’ jarea ya, Mo” Durasit aghen-baghen tebha ka aba’na

“Ya kan odi’ rea tada’ se tao, Sit. Tugassa engko’ ban ba’na rea ghun usaha ban adu’a. Se paleng penting ta’ olle jhuba’ panyangka ka oreng laen apapole ka ghuste pangeran. Torkadhang oreng jhat kodhu malarat ghellu sopaja olle kamoljha’an se tengghi mongghu manossa ban ghuste pangeran. Tegghu’enna sabbar ban pasra”.

Durasit ghun cengngeng ban aonggu’ ta’ metto bhanta. Ta’ e karessa jham la noddhuwaghi pokol dua-bellas malem. Mon kapolana ghi’ anyama bhari’ mon ka dat-ngodadhan kadhiya Durasit ban Mokarep se lakona atoghu barung kopi.

“Ella, engko’ tedungngah ka ada’, Sit. Mata la cora’ peddhi” Oca’na Mukarep sambi ngala’ bhantal se la possa’ ban jhail.

“Huh, ma’ la tedunga, Mo. Ghu-ongghuna mata pellem. Pola keng polana la kopi ban rokokna eabi’ ya”. Durasit congoco ka Mukarep sambi asot-ghusot hp-na. Ngarep pola bada info anyar se manfaat.

Sumedangan, 05 Desember 2019

(*Penulis adalah Alumni santri Darul Ulum Prongpong sekaligus mahasiswa Fakultas Tarbiyah IAIN Madura.

Demikianlah Artikel cerpen - Durasit ban Mokarep

Sekianlah artikel cerpen - Durasit ban Mokarep kali ini, mudah-mudahan bisa memberi manfaat untuk anda semua. baiklah, sampai jumpa di postingan artikel lainnya.

Anda sekarang membaca artikel cerpen - Durasit ban Mokarep dengan alamat link https://gpbn1.blogspot.com/2020/05/cerpen-durasit-ban-mokarep.html

Location:

Berbagi :